Donetskeko bonbardaketa (2022)

Donetskeko bonbardaketa
	Donetskeko erdigunea, bonbardaketa ostean.
Mota	Misil-erasoa
Honen parte da	Ukrainako inbasioa
Data	2022ko martxoaren 14a; (11:31; UTC+3)
Kokaleku	Donetsk (DHE)
Helburu	probokazio
Pertsona hilak	23
Pertsona zaurituak	28
Erantzule	DHE (Ukrainaren arabera); Errusia (Ukrainaren arabera); Ukraina (DHEren arabera)
Arma	OTR-21 Tochka

Donetskeko 2022ko bonbardaketa Donetsk hiriko erdialdeko (Donetskeko Herri Errepublika) azpiegitura zibilen aurkako eraso bat izan zen; Donetskeko Herri Errepublikako agintarien arabera, Ukrainako indarrek egindakoa. Erasoa 2022ko martxoaren 14ko goizeko 11:31 inguruan (UTC+3) gertatu zen, Errusiak Ukraina 2022an inbaditu zuenean. Bonbardaketek Donetsk erdialdeko Universitetskaya eta Artyoma kaleak izan zituen jomuga eta, DHEko funtzionarioek emandako informazioaren arabera, erasoak 20 zibil hil eta 9 zauritu zituen.^[1] Geroago, balantzea 23 hildakori eta 28 zaurituri eguneratu zen.^[2]

Ukrainako agintariek, bestalde, Errusiari egotzi zioten atentatuaren errua, Kharkiv, Irpin eta Mykolaiven indar errusiarrek hildako zibilak estaltzeko bandera faltsuko operazio bat zela adieraziz; izan ere, ukrainarrek zeritzen eztanda-patroiak eta misilen arrasto ezak, bonba-auto baten moduko objektu finko batetik abiatuta gertatu zela zirudiela.^[3] Donetskeko Herri Errepublikako agintariek, bestalde, esan zuten erasoa Ukrainako indarrek erabilitako Tochka-U misil taktikoen sistemak egin zuela, DHEko Indar Armatuek eraitsi egin zutena.^[4]